നിലവില്‍ ഉന്നതവിദ്യാഭ്യാസത്തിനും ജോലി സാദ്ധ്യതയയ്ക്കും ഏറെ ആകര്‍ഷിയ്ക്കുന്ന രാജ്യമെന്ന നിലയില്‍ വിദ്യാഭ്യാസ സാദ്ധ്യതകള്‍, നിയമ തടസങ്ങള്‍, പുതിയ നിയമങ്ങള്‍, തൊഴില്‍ പ്രശ്നങ്ങള്‍, നഴ്സിംഗ് പഠനം/ജോലി സാദ്ധ്യതകള്‍, തുടര്‍പഠനം എന്നിവ വിഷയമാക്കിയുള്ള ഒന്നര മണിക്കൂര്‍ ദൈഘ്യമുള്ള സെമിനാറില്‍ ചോദ്യോത്തരവേളയും ഉണ്ടായിരിയ്ക്കും.
നിലവില്‍ അഭിമുഖീകരിച്ചുകൊണ്ടിരിക്കുന്ന പ്രശ്നങ്ങളെയും പ്രതിസന്ധികളെയും കുറിച്ച് ബോധവല്‍ക്കരണം നടത്തുവാനും വിവിധ ജോലി സാധ്യതകളെക്കുറിച്ച് അവബോധം നല്‍കുകയുമാണ് സെമിനാറിന്റെ ലക്ഷ്യം.
ലോക കേരള സഭ അംഗവും യൂറോപ്പിലെ മുതിര്‍ന്ന മാദ്ധ്യമ പ്രവര്‍ത്തകനും (മുഖ്യപത്രാധിപര്‍, പ്രവാസിഓണ്‍ലൈന്‍),കഴിഞ്ഞ 32 വര്‍ഷക്കാലമായി ജര്‍മനിയിലെ സാമൂഹ്യ സാംസ്കാരിക സംഘടനാ പ്രവര്‍ത്തകനുമായ ജോസ് കുമ്പിളുവേലില്‍ ആണ് വിഷയാധിഷ്ടിതമായി സെമിനാറില്‍ ക്ളാസ് എടുക്കുന്നത്.
ജര്‍മനിയില്‍ പഠിക്കാന്‍ ആഗ്രഹിക്കുന്നവര്‍ക്കും അവിടെ ജോലിക്ക് പോകാന്‍ താല്പര്യമുള്ളവര്‍ക്കും ഈ സെമിനാറില്‍ പങ്കെടുക്കാവുന്നതാണ്. പ്രവേശനം സൗജന്യമായിരിക്കും.ജര്‍മന്‍ വിസ ഉദാരമാക്കിയ ഈയവസരത്തില്‍ അതിന്റെ നേട്ടങ്ങള്‍ പരമാവധി പ്രയോജനപ്പെടുത്തുവാന്‍ ഈയവസരം ഉപയോഗപ്പെടുത്തണമെന്ന് പ്രവാസി അപ്പസ്തോലേറ്റ് ഡയറക്ടര്‍ അഭ്യര്‍ത്ഥിച്ചു.
ജര്‍മനിയില്‍ നഴ്സിംഗ് ഔസ്ബില്‍ഡൂംഗ് തേടുന്ന എല്ലാവര്‍ക്കും പ്രയോജനപ്രദമാവുന്ന സെമിനാറിലേയ്ക്ക് ഫാ.മാത്യു പുതുമന (ഡയറക്ടര്‍, പ്രവാസി അപ്പൊസ്തലേറ്റ്, 0091 94470 80356) ഏവരേയും സ്വാഗതം ചെയ്യുന്നു.
Comments: