Advertisements
|
ലോകമത പാര്ലമെന്റിന് വത്തിക്കാനില് ഇന്ന് തുടക്കമാവും
ജോസ് കുമ്പിളുവേലില്
വത്തിക്കാന്സിറ്റി: വത്തിക്കാനില് നടക്കുന്ന ലോകമത പാര്ലമെന്റിന് ഇന്നു തടമാകും. ശ്രീനാരായണഗുരു ആലുവ അദൈ്വതാശ്രമത്തില് സംഘടിപ്പിച്ച സര്വമത സമ്മേളനത്തിന്റെ ശതാബ്ദിയാഘോഷത്തിന്റെ ഭാഗമായാണ് വത്തിക്കാനില് ലോകമത പാര്ലമെന്റ് നടത്തുന്നത്. ഗുരുദേവന് രചിച്ച ദൈവദശകം പ്രാര്ഥന ഇറ്റാലിയന് ഭാഷയില് ആലാപനംചെയ്താണ് സമ്മേളനം ആരംഭിക്കുന്നത്.
ശിവഗിരിമഠം പ്രസിഡന്റ് സച്ചിദാനന്ദ സ്വാമി അധ്യക്ഷത വഹിക്കും. കര്ദിനാള് മിഖ്വേല് ആംഗല് അയുസോ ക്വിസോട്ട ഉദ്ഘാടനം ചെയ്യും.
പാണക്കാട് സാദിഖ് അലി തങ്ങള്, കര്ണക സ്പീക്കര് യു.ടി. ഖാദര്, ഫാ. ഡേവിസ് ചിറമ്മല്, രഞ്ജിത്്സിംഗ് (പഞ്ചാബ്) ഡോ. എ.വി. അനൂപ്, കെ. മുരളീധരന് (മുരള്യ), ഡോ. സി.കെ. രവി (ചെനൈ്ന), ഗോപു നന്ദിലത്ത്, മണപ്പുറം നന്ദകുമാര്, ഫൈസല് ഖാന് തുടങ്ങിയവര് പ്രസംഗിക്കും. നിയുക്ത കര്ദ്ദിനാള് മാര് ജോര്ജ് കൂവക്കാട് സമ്മേളനത്തിന്റെ നേതൃനിരയിലുണ്ട്.
മഠം ജനറല് സെക്രട്ടറി സ്വാമി ശുഭാംഗാനന്ദ, മുന് ജനറല് സെക്രട്ടറി സ്വാമി ഋതംഭരാനന്ദ, മുന് ട്രഷറര് സ്വാമി വിശാലാനന്ദ, ഗുരുധര്മ്മപ്രചരണ സഭാസെക്രട്ടറി സ്വാമി അസംഗാനന്ദഗിരി, സ്വാമി ഹംസതീര്ത്ഥ, ആലുവ അദൈ്വതാശ്രമം സെക്രട്ടറി സ്വാമി ധര്മ്മചൈതന്യ, സ്വാമിനി ആര്യനന്ദാദേവി എന്നിവരാണ് ശിവഗിരി മഠത്തെ പ്രധിനിധീകരിച്ച് സമ്മേളനത്തില് പങ്കെടുക്കുന്നത്.
29~നു മതസമന്വയവും മതസൗഹാര്ദവും ഉയര്ത്തിക്കാട്ടുന്ന സ്നേഹസംഗമം നടക്കും. ഹൈന്ദവ, ൈ്രകസ്തവ, ഇസ്ലാം, ബുദ്ധ, സിഖ്, യഹൂദ മതങ്ങളിലെ പുരോഹിതന്മാരും ശിവഗിരി മഠത്തിലെ സന്യാസിശ്രേഷ്ഠരും പങ്കെടുക്കും.
സച്ചിദാനന്ദ സ്വാമി തയ്യാറാക്കിയ "സര്വ്വമതസമ്മേളനം' എന്ന ഗ്രന്ഥത്തിന്റെ ഇറ്റാലിയന് പരിഭാഷ, "ഗുരുവും ലോകസമാധാനവും' എന്ന പുസ്തകത്തിന്റെ ഇംഗ്ളീഷ് പരിഭാഷ എന്നിവ പ്രകാശനം ചെയ്യും. സമ്മേളനത്തില് ഫ്രാന്സിസ് മാര്പാപ്പ അനുഗ്രഹപ്രഭാഷണം നടത്തും. 30നാണ് ഫ്രാന്സിസ് മാര്പാപ്പയുടെ ആശീര്വാദം. റോമിലെ ജോര്ജിയന് യൂണിവേഴ്സിറ്റി ഇന്റര്ഫെയ്സ് ഡയലോഗിന്റെ അധ്യക്ഷന് ഫാ. മിഥിന് ജെ.ഫ്രാന്സിസ് ചടങ്ങിന്റെ മോഡറേറ്ററായിരിക്കും.
നവം. 29 മുതല് ഡിസംബര് ഒന്നുവരെയാണ് സമ്മേളനം. മതങ്ങളുടെ ഏകതയും സൗഹാര്ദവു ത്വവും പ്രചരിപ്പിക്കുക എന്നതാകും ലോകമത പാര്ലമെന്റിന്റെ മുഖ്യലക്ഷ്യം.
വിവിധ രാജ്യങ്ങളില്നിന്നുള്ള നൂറോളം പ്രതിനിധികള്ക്കൊപ്പം ഇന്ത്യയില് നിന്നുള്ള ജനപ്രതിനിധികളും സന്യാസിമാരും, ഇറ്റലിയിലെ ജനപ്രതിനിധികളും പങ്കെടുക്കും. ഇന്ത്യയ്ക്കു പുറമേ ഇറ്റലി, ബഹ്റൈന്, ഇന്ഡൊനീഷ്യ, അയര്ലന്ഡ്, ദുബായ്, അബുദാബി, ഇംഗ്ളണ്ട്, അമേരിക്ക തുടങ്ങി 15~ല്പ്പരം രാജ്യങ്ങളില്നിന്നുള്ള പ്രതിനിധികളാണ് ഒത്തുചേരുന്നത്. എം.എല്.എ.മാരായ ചാണ്ടി ഉമ്മന്, സജീവ് ജോസഫ്, ടി.ജെ.സനീഷ് കുമാര്, പി.വി.ശ്രീനിജന്, ഇരുദയാദാസ് എന്നിവരും സമ്മേളനത്തില് പങ്കെടുക്കുന്നുണ്ട്.
2024 ലോകമതങ്ങളുടെ പാര്ലമെന്റ്, ലോകമതവിശാ്വസികളുടെ ധീരമായ പുതിയ സംരംഭത്തിന് വേണ്ടിയുള്ള ജനാധിപത്യത്തിന്റെ വര്ഷമാണ്. ജനാധിപത്യം, സ്വാതന്ത്ര്യം, മനുഷ്യാവകാശങ്ങള് എന്നിവയ്ക്കെതിരെ സ്വേച്ഛാധിപത്യത്തില് നിന്ന് ഉയരുന്ന ഭീഷണികള് അടയാളപ്പെടുത്തുന്ന നിര്ണായകമായ ഇക്കാലത്ത് വൈവിധ്യമാര്ന്ന വിശ്വാസങ്ങളിലുള്ള ആളുകളെ അണിനിരത്താന് രൂപകല്പ്പന ചെയ്തിരിക്കുന്ന സമ്മേളനം പ്രത്യേക ജനശ്രദ്ധ പിടിച്ചുപറ്റുമെന്നാണ് കരുതുന്നത്. |
|
- dated 29 Nov 2024
|
|
|
|
Comments:
Keywords: Europe - Otta Nottathil - world_religious_meet_staring_nov_29_2024_vatican Europe - Otta Nottathil - world_religious_meet_staring_nov_29_2024_vatican,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
| |
