Europe - Otta Nottathil - lucan_club_dublin_charity_help

Advertisements

അയര്‍ലണ്ടില്‍ നിന്നും ആലപ്പുഴയിലൊരു സ്നേഹവീട്

രാജു കുന്നക്കാട്ട്

Photo #1 - Europe - Otta Nottathil - lucan_club_dublin_charity_help_2019

ഡബ്ളിന്‍: ജീവിതത്തിന്റെ ബാലന്‍സ് ഷീറ്റില്‍ ഒന്നുമില്ലാതെ കഴിഞ്ഞ പ്രളയകാലത്ത് വിറങ്ങലിച്ചുനിന്ന ഒരു കുടുംബത്തിന് സ്വന്തമായൊരു വീട് എന്ന സ്വപ്നം സാക്ഷാല്‍ക്കരിക്കുകയാണ് അയര്‍ലണ്ടിലെ ഡബ്ളിനിലുള്ള ലൂക്കന്‍ മലയാളി ക്ളബ്. കമ്മിറ്റി തീരുമാന പ്രകാരം ക്ളബ് ഭാരവാഹികളായ റോയി പേരയിലും, റെജി കുര്യനും ആലപ്പുഴ ജില്ലാ കളക്ടറുമായും വിവിധ ജനപ്രതിനിധികളുമായും ചര്‍ച്ച നടത്തി കളക്ടറുടെ നിര്‍ദേശപ്രകാരമാണ് 6 ലക്ഷം രൂപ മുടക്കില്‍ വീടിന്റെ നിര്‍മ്മാണത്തിന് രൂപരേഖയായത്.ആലപ്പുഴ മംഗലം വാര്‍ഡ് കണ്ടത്തില്‍ ഷാജിയും ഭാര്യ ഗീതയും ഭിന്ന ശേഷിക്കാരനായ ഒരു കുട്ടിയുള്‍പ്പെടെ മൂന്ന് മക്കളുമടങ്ങുന്ന കുടുംബത്തിനാണ് വീട് നിര്‍മ്മിച്ചു നല്‍കുന്നത്.

അനേക വര്‍ഷങ്ങളായി ചെറിയ പലകകള്‍ കൊണ്ടും ഫ്ളെക്സ് ബോര്‍ഡ് കൊണ്ടും നിര്‍മ്മിച്ച ചോര്‍ന്നൊലിക്കുന്ന ഒരു കൂരയിലാണ് ഈ കുടുംബം ഇപ്പോള്‍ താമസിക്കുന്നത്. രണ്ട് കിടപ്പുമുറി, അടുക്കള, ടോയ്ലറ്റ് എന്നിവയുള്ള വീടിന്റെ നിര്‍മ്മാണം ഏറ്റെടുത്തിരിക്കുന്നത് സംസ്ഥാന നിര്‍മ്മിതി കേന്ദ്ര/കുടുംബശ്രീ ആണ്. ലൂക്കന്‍ മലയാളി ക്ളബ് കഴിഞ്ഞ പ്രളയകാലത്ത് സമാഹരിച്ചതും പലരും വാഗ്ദാനം ചെയ്തതുമുള്‍പ്പെടെ ഏകദേശം 3.5 ലക്ഷത്തോളം രൂപയാണ് ആകെയുള്ള ഇപ്പോഴത്തെ കൈമുതല്‍. ബാക്കി തുക സെപ്റ്റംബര്‍ 14 ന് നടക്കുന്ന ഓണാഘോഷത്തോടനുബന്ധിച്ച് സ്വരൂപിയ്ക്കാം എന്ന പ്രതീക്ഷയിലാണ് ക്ളബ് അംഗങ്ങള്‍.

ആശ്വാസത്തിന്റെ ശീതള തെന്നലുമായി ലൂക്കന്‍ ക്ളബിന്റെ തേരോട്ടം തുടരുമ്പോള്‍ സുമനസ്സുകളുടെ സഹായം സഫലമീ യാത്രയില്‍ ഉണ്ടാകും എന്ന് വിശ്വാസത്തിലാണ് ക്ളബ് പ്രസിഡന്റ് ബിനോയ് കുടിയിരിക്കലും, സെക്രട്ടറി ജയന്‍ തോമസും മറ്റ് ഭാരവാഹികളും. സേവനരംഗത്ത് നിരവധി പ്രവര്‍ത്തനങ്ങള്‍ കാഴ്ച വച്ചിട്ടുള്ള ലൂക്കന്‍ ക്ളബ്, കഴിഞ്ഞ രണ്ടുമാസമായി സജി മുണ്ടക്കല്‍ ചെയര്‍മാനായ 'എന്റെ ഗ്രാമം' ചാരിറ്റി ട്രസ്ററുമായി കൈകോര്‍ത്ത് കോട്ടയം മെഡിക്കല്‍ കോളേജില്‍ മാസത്തിലൊരിക്കല്‍ 3000 നിര്‍ധന രോഗികള്‍ക്ക് ഉച്ചഭക്ഷണവും നല്‍കി വരുന്നു.

ഈ പദ്ധതികളുമായി സഹകരിക്കാനാഗ്രഹിക്കുന്നവര്‍ കൂടുതല്‍ വിവരങ്ങള്‍ക്ക് ബന്ധപ്പെടുക.

ബിനോയ് കുടിയിരിക്കല്‍ : 0899565636.
റോയി പേരയില്‍ : 0876694782
റെജി കുര്യന്‍ : 0877788120
പി.ആര്‍.ഒ : രാജു കുന്നക്കാട്ട്

- dated 17 Aug 2019

Comments:

Keywords: Europe - Otta Nottathil - lucan_club_dublin_charity_help_2019 Europe - Otta Nottathil - lucan_club_dublin_charity_help_2019,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: