സൗദി അറേബ്യയിലും സുഡാനിലും അഫ്ഗാനിസ്ഥാനിലുമായി ജീവിതം നയിച്ച ഒമര്‍ 19ാം വയസില്‍ പിതാവിനെ ഉപേക്ഷിച്ച് വടക്കന്‍ ഫ്രാന്‍സിലെ നോര്‍മാണ്ടിയില്‍ സ്ഥിരതാമസമാക്കിയതാണ്. 2016 മുതല്‍ ഇവിടെ ചിത്രകാരനായി ജീവിച്ചു. ഇതിനിടെ ബ്രിട്ടീഷ് പൗരത്വമുള്ള ഒരാളുടെ പങ്കാളിയായി നോര്‍മണ്ടിയില്‍ താമസിച്ചിരുന്നതായി ഫ്രാന്‍സിന്‍റെ പുതിയ ആഭ്യന്തരമന്ത്രി ബ്രൂണോ റീട്ടെയ് ലോ എക്സില്‍ പങ്കു വച്ച കുറിപ്പില്‍പറഞ്ഞു.
2023 മുതല്‍ ഇയാള്‍ സോഷ്യല്‍ നെറ്റ് വര്‍ക്കുകളില്‍ തീവ്രവാദത്തെ പ്രോത്സാഹിപ്പിക്കുന്ന അഭിപ്രായങ്ങള്‍ പോസ്ററ് ചെയ്തതായി ഫ്രഞ്ച് മന്ത്രി പറഞ്ഞു. അതിനാലാണ് ഓര്‍ണിലെ പ്രിഫെക്റ്റ് ഫ്രഞ്ച് പ്രദേശം വിട്ടുപോകാന്‍ ഉത്തരവ് പുറപ്പെടുവിച്ചതെന്നും വിശദീകരണം.
ദേശീയ സുരക്ഷ മുന്‍നിര്‍ത്തി എടുത്ത ഈ തീരുമാനത്തിന്‍റെ നിയമസാധുത കോടതികള്‍ സ്ഥിരീകരിച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു. ഇനിയൊരിക്കലും ഫ്രാന്‍സിലേക്ക് മടങ്ങി വരാനാകാത്ത വിധം അയാള്‍ക്കെതിരെ വിലക്കു പ്രഖ്യാപിച്ച രേഖയില്‍ താന്‍ ഒപ്പു വച്ചതായും ഫ്രഞ്ച് ആഭ്യന്തരമന്ത്രി റീട്ടെയ് ലോ പറഞ്ഞു.
ബ്രിട്ടീഷുകാരിയായ ജെയ്ന്‍ ഫെലിക്സ്~ബ്രൗണുമായുള്ള വിവാഹത്തിലൂടെ മുന്‍പും വിവാദനായകനായിട്ടുണ്ട് ഇയാള്‍. തന്നെക്കാള്‍ 20 വയസു മൂത്ത ജെയ്ന്‍ ഫെലിക്സിനെ ഇയാള്‍ വിവാഹം കഴിക്കുമ്പോള്‍ ഒമറിനു മുമ്പേ അഞ്ചു തവണ വിവാഹമോചനം നേടിയ ഒരു മുത്തശ്ശിയായിരുന്നു അവര്‍. അത് ഏറെ മാധ്യമ ശ്രദ്ധ നേടിയിരുന്നു. വിവാഹ ശേഷം അവര്‍ സൈന മുഹമ്മദ് എന്ന പേരു സ്വീകരിച്ച് മുസ്ളിമായി മാറിയിരുന്നു. ഒമര്‍ അവരോടൊപ്പം ബ്രിട്ടനില്‍ കഴിയാന്‍ ആഗ്രഹിച്ചെങ്കിലും ബ്രിട്ടന്‍ അനുവാദം നല്‍കിയിരുന്നില്ല.
Comments: